खरानीटार । तादी गाउँपालिका, शिक्षा तथा खेलकुद शाखाको आयोजनामा मंगलबार ‘पोषण स्थितिमा सुधार, देश विकासको आधार’ शिर्षकमा विद्यालयस्तरीय वक्तृत्वकला प्रतियोगिता सम्पन्न भएको छ ।

पालिकाभित्रका सात विद्यालयले भाग लिएको प्रतियोगितामा विज्ञान मावि नर्जा पहिलो, सुन्दरा मावि सातबिसे दोस्रो र तादी भ्यू एकेडेमी तेस्रो भएको आयोजकले जानकारी दिएको छ । प्रतियोगितामा सात विद्यालयका १३ विद्यार्थी सहभागी रहेको बताइएको छ ।